İngiltərədə etirazlar səngimir: Hotelə hücum etdilər

İngiltərənin Rotherham şəhərində qeyri-qanuni miqrant axınına görə iğtişaşlar törədən etirazçılar miqrantların yerləşdirildiyi güman edilən “Holiday Inn Express” hotelinə hücum edib.

Publika.az xəbər verir ki, bu barədə “The Guardian” məlumat yayıb.

Maskalı şəxslər yanan zibil qabını da binaya yuvarladıblar, otelin qarşısında sıraya düzülmüş polis əməkdaşlarına müxtəlif əşyalar atılıb.

“Sky News”-un məlumatına görə, hoteldə olan ən azı bir polis əməkdaşı yaralanıb.

Bundan əvvəl telekanal iğtişaşlarla əlaqədar ölkə üzrə 90-dan çox həbsin olduğunu bildirmişdi.

Etirazlar Britaniyanın Mersisayd qraflığında polisin iyulun 29-da Sautport şəhərində uşaqlara bıçaqla hücum edilməsi barədə məlumat verdikdən sonra başlayıb. Üç uşaq ölüb, daha bir neçə uşaq və iki böyük ağır vəziyyətdə xəstəxanaya aparılıb. Hüquq-mühafizə orqanlarının əməkdaşları 17 yaşlı yeniyetməni saxlayıb və ona 3 nəfəri qətlə yetirməkdə, daha 10 nəfəri öldürməyə cəhddə və saxlamaqda ittiham ediblər.

Southport, London və digər şəhərlərin sakinlərinin hücuma reaksiyası etirazlarla nəticələnib, polislə toqquşmalara və şübhəlinin qaçqın olması ilə bağlı təsdiq olunmayan məlumatların yayılmasına görə iğtişaşlara çevrilib.

Tural