Yunanıstan “Rusiya” deyib, Türkiyəni “vurdu” - Avropanın “arxa qapısı” bağlanmalıdır

Avropa İttifaqı (Aİ) səlahiyyətliləri “Türk axını” boru kəməri ilə tranzit də daxil olmaqla, Rusiya qazının regiona nəqlini mümkün qədər tez qadağan etməlidir.

Publika.az xəbər verir ki, bu barədə Yunanıstanın baş naziri Kiriakos Mitsotakis “Transatlantik enerji əməkdaşlığı üçün tərəfdaşlıq” konfransında bildirib. Onun çıxışı forumun saytında yayımlanıb:

“Aİ liderləri təbii qaz da daxil olmaqla Rusiyanın enerji təchizatından asılılığı aradan qaldırmalıdır”.

Yunanıstanın baş naziri qeyd edib ki, Rusiyadan yanacağın “Avropanın arxa qapısı” ilə vurulması üçün mövcud sistemin saxlanması blok üçün qəbuledilməzdir.

"Rusiya təbii qazı Avropaya arxa qapıdan, Türkiyə vasitəsilə daxil ola bilməz ", - Mitsotakis vurğulayıb.

O, Yunanıstanın Ukrayna ilə yanaşı əsas rol oynaya biləcəyi “şaquli dəhliz” modelinə keçidi daha optimal variant adlandırıb.

“Biz Yunanıstanda başlayan və Ukraynada bitən “şaquli dəhliz”ə keçidə hazır olmalıyıq”, - deyə baş nazir yekunlaşdırıb.

Onun sözlərinə görə, Birləşmiş Ştatlar da bu məsələdə oxşar mövqedədir. Təbii qaz hazırda Yunanıstana Bolqarıstanın qaz sistemindən Sidirokastro giriş nöqtəsində daxil olur, o da öz növbəsində “Türk axını” boru kəmərindən yanacaq alır. Yunanıstan həmçinin Azərbaycandan Cənub Qaz Dəhlizi vasitəsilə qaz, eləcə də dəniz yolu ilə mayeləşdirilmiş təbii qaz (LNG) idxal edir.

Tural