Avropa

Vuçiçdən HƏYƏCANLI AÇIQLAMA: "Avropa müharibəyə hazırlaşır"

12 Noyabr 2025 02:12

Serbiya Prezidenti Aleksandr Vuçiç Avropa ölkələrinin Rusiya ilə müharibəyə hazırlaşdığını və Serbiya ordusunun gücləndirilməsinə ehtiyac olduğunu açıqlayıb.

Publika.az xəbər verir ki, o, bu barədə "Pink" telekanalında açıqlama verib .

"Serbiya yaxınlaşan müharibə qarşısında qaya ilə çətin yer arasında qalıb. Əgər yaxınlaşan münaqişə ilə bağlı qorxularımın əsassız olduğu sübut olunarsa, mən sevinərəm və atəşfəşanlıq edəcəyəm. Lakin Serbiya silahlanmağa davam etməlidir", - Vuçiç vurğulayıb.

Prezidentin sözlərinə görə, ölkənin Hərbi Hava Qüvvələrinin gücləndirilməsi əsas prioritetdir. Bu bəyanat Qərblə Rusiya arasında gərginliyin artması fonunda verilir.

Noyabrın 11-də "The Wall Street Journal" yazıb ki, Avropa blokun ərazisi üzərində uçan pilotsuz təyyarələr səbəbindən "müharibə və sülh" arasında qalıb. Nəşrin yazdığına görə , Avropa liderləri Rusiyanın dağıdıcı hücumların “seriyası”nın arxasında durduğundan şübhələnirlər.

Hüseyn İbadlı