Avropa

Zelenski ABŞ-ın "təslim planı"nı RƏDD ETDİ - Onlarla birlikdə alternativ sənəd hazırlayır

20 Noyabr 2025 20:36

Ukrayna Prezidenti Volodimir Zelenski Amerika tərəfdən diplomatik səyləri gücləndirməyə yönəlmiş plan layihəsini ("təslim planı") rəsmən alıb.

Publika.az xəbər verir ki, bu barədə Ukrayna liderinin ofisi məlumat yayıb.

Amerika nümayəndələrinin fikrincə, sənəddə sülh prosesini və diplomatik təmasları canlandıra biləcək təkliflər var.

Strana.ua yazıb ki, ABŞ Prezidenti Donald Tramp Ukraynanın Amerikanın sülh planını qəbul edəcəyi təqdirdə, Volodimir Zelenski və ətrafına qarşı bütün korrupsiya araşdırmalarını dayandıra bilər.

"Financial Times" mənbələrinin məlumatına görə, sənədi Ukrayna tərəfinə ABŞ Prezidentinin xüsusi elçisi Stiv Uitkoff Ukrayna Milli Təhlükəsizlik və Müdafiə Şurasının katibi Rustem Umerovla görüşündə təhvil verib. Lakin məlum olub ki, Zelenski ABŞ prezident administrasiyasının hazırladığı yeni sülh planını müzakirə etməkdən imtina edib və əvəzində avropalı tərəfdaşları ilə alternativ sənəd hazırlayıb.

Hüseyn İbadlı