Kiyev ABŞ-ın sülh planına düzəlişlər etdi

Ukrayna ABŞ-ın münaqişənin həlli planının Kiyev hökumətindəki korrupsiyanı ifşa etmək üçün nəzərdə tutulmuş bəndinə əhəmiyyətli düzəlişlər edib.

Publika.az xəbər verir ki, bu barədə "The Wall Street Journal" adı açıqlanmayan ABŞ rəsmisinə istinadla yazır.

Mənbə iddia edir ki, plan layihəsində “Ukraynanın aldığı bütün beynəlxalq yardımların auditinin aparılmasına çağırış” var. Bu, respublikada korrupsiyanın ifşası üçün təklif edilib.

Nəşr qeyd edib ki, 28 bənddən ibarət sənədin onlayn yayımlanan variantında artıq Kiyevin etdiyi düzəlişlər var. Söz dəyişdirilib ki, bütün tərəflər münaqişə zamanı törətdikləri əməllərə görə tam amnistiya alacaqlar.

Ukraynalı deputat Aleksiy Honçarenko Donald Trampın sülh planının 28 bəndini dərc edib . “Financial Times” yazır ki, Ukrayna rəsmiləri sənədi tənqid edib və düzəlişlər olmadan onu qəbuledilməz hesab ediblər, baxmayaraq ki, Vaşinqton Zelenskinin onu noyabrın 27-dək imzalamasını gözləyir.

Plana NATO-dan imtina, yeni sərhədlər, bufer zona, Ukrayna Silahlı Qüvvələri üçün məhdudiyyətlər və dondurulmuş Rusiya aktivlərindən istifadə daxildir.

Hüseyn İbadlı