Avropa narazıdır, bəs Makron nə deyir? - "Tramp planı" daşları yerindən oynadır

Fransa Prezidenti Emmanuel Makron ABŞ-ın Ukrayna ilə bağlı yeni planını nizamlanma üçün yaxşı, lakin daha da təkmilləşdirmə tələb edən əsas sənəd hesab edib.

Publika.az xəbər verir ki, bu barədə "Reuters" məlumat yayıb.

"ABŞ-ın Ukrayna ilə bağlı planı yaxşıdır, çünki o, sülh təklif edir, lakin bu, iş tələb edən təməldir", - agentlik siyasətçinin sözlərindən sitat gətirib.

Bundan əvvəl "Das Bild" yazıb ki, Aİ ölkələri ABŞ prezidenti Donald Trampın təklif etdiyi Ukrayna sülh planının ən azı dörd bəndini dəyişmək istəyir. Nəşr aydınlaşdırıb ki, Avropa liderləri Rusiyanın Krım, Donbas və digər ərazilər üzərində suverenliyinin tanınması, Ukrayna ordusunun ixtisarı, Rusiyanın təhlükəsizlik zəmanətləri və onun dondurulmuş aktivləri ilə bağlı təkliflərlə kifayətlənmir.

Məqalədə bildirilir ki, dünyanın müxtəlif ölkələrindən ekspertlər və siyasətçilər Amerikanın yeni planına şübhə ilə yanaşırlar. Onlar Ukraynanın “effektiv kapitulyasiyası” barədə xəbərdarlıq edir və sazişi indiki formada təkcə respublika vətəndaşları üçün deyil, həm də Avropa ölkələrinin sakinləri üçün təhlükəli hesab edirlər.

Hüseyn İbadlı