Avropa

Niderlandda PUA KABUSU - Silahlar işə düşdü

23 Noyabr 2025 01:11

Niderland ordusu ölkənin cənubundakı Volkel hava bazası üzərində axşam hava məkanında aşkarlanan naməlum pilotsuz uçuş aparatlarını (PUA) vurmağa cəhd edib.

Publika.az xəbər verir ki, barədə Niderland Müdafiə Nazirliyi məlumat yayıb.

Rəsmi məlumata görə, cümə günü saat 19:00-dan 21:00-a qədər Şimali Brabant əyalətindəki aviabazanın yaxınlığında bir neçə PUA aşkar edilib. Yerdəki Hərbi Hava Qüvvələrinin şəxsi heyəti təyyarəni zərərsizləşdirmək üçün silahdan istifadə edib. Bu hərəkətdən sonra PUA-lar baza ətrafındakı hava məkanını tərk edib və aşkarlanmayıb. Nazirlik təhlükəsizlik problemlərini əsas gətirərək əməliyyatın texniki təfərrüatlarını açıqlamaqdan imtina edib.

Nazirlik bir daha qeyd edib ki, aviasiya təhlükəsizliyinə potensial risklər səbəbindən aerodromlar yaxınlığında pilotsuz uçuş aparatlarının istismarı qadağandır. Niderland Kral Hərbi Polisi hadisə ilə bağlı araşdırmalara başlayıb.

Hüseyn İbadlı