Ərdoğan COP31-dən danışdı

Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasının (COP31) 2026-cı ilin noyabr ayında Türkiyədə keçirilməsi planlaşdırılır.

Publika.az xəbər verir ki, bu barədə Prezident Rəcəb Tayyib Ərdoğan Yohannesburqda keçirilən G20 (G20) sammitinin sessiyasında çıxış edərkən bildirib.

Türkiyə liderinin sözlərinə görə, Avstraliya ilə COP31-ə ev sahibliyi etmək barədə razılaşma “qlobal miqyasda konsensus platformalarının zəifləməsi fonunda” xüsusilə əhəmiyyətlidir.

Türkiyə dövlət başçısı sammit iştirakçıları ilə bərpaolunan enerji mənbələrinə (BEM) diqqət yetirərək ölkəsinin enerji inkişaf planlarını bölüşüb.

Onun sözlərinə görə, Türkiyənin günəş və külək elektrik stansiyalarının gücü 2035-ci ilə qədər dörd dəfə artacaq. Bundan əlavə, artıq 2025-ci ilin sonuna qədər ölkənin elektrik enerjisi istehsalında bərpaolunan enerjinin payı 60 faizi keçəcək.

Türkiyə lideri həmçinin BMT-nin dəstəyi ilə beynəlxalq səviyyədə həyata keçirilən Türkiyənin “Sıfır tullantı” təşəbbüsünə diqqət çəkib.

Bundan əvvəl Türkiyə və Avstraliyanın COP31-in Antalyada keçirilməsi ilə bağlı razılaşması barədə məlum oldu.

Ramin Abdullayev