Avropa

Makron planı açıqladı: Türkiyə ordusu Ukraynanın bu şəhərlərində yerləşdiriləcək

25 Noyabr 2025 14:14

Fransa prezidenti Emmanuel Makron bəyan edib ki, “istəklilər koalisiyası” Ukraynada münaqişə bitdikdən sonra öz hərbi kontingentini “cəbhədən uzaqda, ikinci xəttə” yerləşdirə bilər.

Publika.az xəbər verir ki, Makron bu barədə RTL radiosuna müsahibəsində bildirib.

"Biz heç vaxt cəbhəboyu zonada yerləşməyi planlaşdırmamışıq, çünki bu, bizim vəzifəmiz deyil", - Fransa lideri vurğulayıb.

Makron qeyd edib ki , Kiyev və ya Odessa qoşunların yerləşdirilməsi üçün potensial yer ola bilər. Bununla belə, o vurğulayıb ki, qüvvələrin yaradılmasının dəqiq təfərrüatları və mərhələləri məxfi olaraq qalır. "Hər şey daha mürəkkəbdir; ehtiyat qüvvə hələ də yaradılır", - Fransa lideri əlavə edib.

Siyasətçi dəqiqləşdirib ki, söhbət Kiyevin təhlükəsizliyini təmin etmək və Ukrayna Silahlı Qüvvələrinin (AFU) hərbi qulluqçularını hazırlamaq üçün ölkədə yerləşdiriləcək “ingilis, fransız və türk əsgərləri”ndən gedir.

Tural