Avropada antik sikkə rekord qiymətə satıldı
Bizi izləyin
Aptekonline

Avropa

Avropada antik sikkə rekord qiymətə satıldı

Avropada antik sikkə rekord qiymətə satıldı

Avropanın "Numismatica Genevensis SA" hərrac evi İspaniya kralı III Filippə aid qızıl sikkəni Avropa üçün rekord sayılan 3,5 milyon dollara satıb.

Publika.az xəbər verir ki, auksion Cenevrədə keçirilib.

Satılan sikkə İspaniya tarixində ilk dəfə yüz eskudo nominalı ilə 1609-cu ildə zərb olunub. Onun çəkisi 339 qramdır. XVII əsrdə İspaniya taxt-tacı tərəfindən zərb edilmiş ən iri sikkə hesab olunur.

Tarixçilər bildirirlər ki, bu sikkə ticarət üçün deyil, taxt-tacın nüfuzunu nümayiş etdirmək məqsədilə hazırlanmış yeganə nüsxədir. Üzərində Kastiliya və Leon, Aragon, Portuqaliya, Avstriya, Burqundiya, Brabant və digər ərazilərin gerbləri təsvir olunub.

Alıcı və satıcının kimliyi açıqlanmır.

III Filipp 1578-ci ildə Madriddə doğulub və 20 yaşında taxta çıxıb. Onun hakimiyyəti dini fanatizmlə, dövlət borcunun artması ilə, həmçinin ölkədən 500 min moriskin mavr mənşəli sakinlərin qovulması ilə yadda qalıb.

Hüseyn İbadlı

Oxumağa davam et
Reklam
Reklam

Gündəm

Aptekonline