Avropa Oyunlarında iştirak edəcək heyət Xızıda müəyyənləşir
Bizi izləyin

Bakı 2015

Avropa Oyunlarında iştirak edəcək heyət Xızıda müəyyənləşir

Xızıda velosiped idmanının şose növü üzrə Azərbaycan çempionatına start verilib. Azərbaycan Velosiped İdmanı Federasiyası tərəfindən təşkil edilən yarışda yığma komandalarımızın, o cümlədən "Synergy Baku Cycling Project"​ klubunun bütün azərbaycanlı üzvləri iştirak edir. Yarışın keçirilməsində əsas məqsəd Bakı-2015 İlk Avropa Oyunlarında iştirak edəcək heyəti müəyyənləşdirməkdir.

Publika.az xəbər verir ki, ilk yarış günündə iştirakçılar fərdi ötüşmədə mübarizə aparıblar. Bu gün isə qrup yarışları keçiriləcək və mükafatçılar müəyyənləşəcək.

Qeyd edək ki, ölkə çempionatının nəticələri Beynəlxalq Velosipedçilər İttifaqının (UCİ) reytinq siyahısında nəzərə alınacaq. UCİ təqviminə əsasən, iyunun sonlarında keçirilməli olan yarışın mayda təşkili Bakı-2015 ilk Avropa Oyunları ilə əlaqədardır. Belə ki, iyunda ölkəmiz mötəbər yarışa ev sahibliyi edəcəyindən, beynəlxalq federasiya Azərbaycan çempionatının mayın ortalarında keçirilməsinə razılıq verib.

Oxumağa davam et
Reklam
Reklam

Gündəm