Dünyanın ən gözəl aeroportu – FOTOLAR

Dünyanın məşhur media orqanlarından olan "Livejournal.com" Heydər Əliyev adına Beynəlxalq Hava Limanından geniş reportaj hazırlayıb.

Publika.az xəbər verir ki, yazıda beynəlxalq hava limanı Yer üzünün ən gözəl aeroportu adlandırılır.

Jurnalist Aleksandr Çeban dünyanın 100-dən çox ölkəsinin aeroportunda olduğunu qeyd edərək, bildirir ki, heç bir hava limanında Bakıdakı kimi estetik zövq almayıb: "Onu da qeyd edim ki, hətta təkcə Bakı aeroportunu görmək üçün bu ölkəyə səfər etmək olar. Mən bu şəhəri həddən çox sevdim. Bu səbəbdən də, sizi bu müasir incəsənət muzeyini səyahət etməyə dəvət edirəm. Hansı ki, hava limanı kimi fəaliyyət göstərir".

Aleksandr Çeban yazır ki, Heydər Əliyev adına Beynəlxalq Hava Limanını Dubay və ya Sinqapur aeroportları ilə eyniləşdirmək olmaz. Burada geniş bağlar, hovuzlar yoxdur. Lakin Bakı hava limanında təyyarələri gözləmək üçün çox gözəl, rahat atmosfer yaradılıb.

Reportajda qeyd olunur ki, yeni kompleks ildə 6 milyon sərnişini qəbuı etməyə hazırdır. Onun sahəsi 65 min kvadrat metrdir.

Yazıda kompleksin ayrı-ayrı hissələrində sərnişinlər üçün yaradılmış hərtərəfli şəraitdən bəhs edilir və hava limanınin müasir tələblərə uyğun olması qeyd edilir.

Anar Tağıyev