Cinayət dünyası

Kriminal aləmdə növbəti toqquşma - Qardaşı oğlu güllələndi

3 Sentyabr 2020 17:29

Ermənistanın paytaxtı İrəvanda atışma olub.

Publika.az xəbər verir ki, paytaxtın Ajapnyak inzibati bölgəsindəki hadisə zamanı 4 nəfər yaralanıb.

“Shamshyan.com”un xəbərinə görə, kriminal avtoritet Artyom Harutyunyanın (Artyom Kanevski) qardaşı oğlu yaralananlar arasındadır.

Hüquq-mühafizə orqanları əməkdaşları istintaqa başlayıb.

“Sputnik Ermənistan” polisin hadisə ilə bağlı 3 xəbərdarlıq aldığını bildirib. Əvvəlcə saat 14:40-da Halabyan küçəsindəki 57-53 nömrəli binanın yaxınlığında yaralı bir adamın olduğu barədə məlumat daxil olub. Saat 15: 00-da başqa bir çağırış tibb mərkəzindən gəlib - bir nəfər güllə yarası alıb. Bənzər bir zəng də yarım saat sonra daxil olub.

Xatırladaq ki, daha əvvəl kriminal avtoritet Artyom Kanevski (Artyom Harutyunyan) və onu müşayiət edən mühafizəçilər Ermənistan polisi tərəfindən saxlanılmışdı.

Zümrüd