Ukraynada 9 mindən çox hərbi cinayət işi araşdırılır

Bu günə qədər Ukraynanın Baş Prokurorluğu sırf müharibə cinayətləri ilə bağlı 9158 cinayət işi açıb. Çernobıl AES-in ələ keçirilməsinə görə məsuliyyətin cəlb edilməsi prosesi başlayıb.

Publika.az xəbər verir ki, bu barədə məlumat telemarafonunun efirində Ukraynanın baş prokuroru İrina Venediktova bildirib.

Baş prokurorun sözlərinə görə, Ukraynada hər gün dinc əhalinin ölümü, bombardmanlar, yetkin mülki şəxslərin və uşaqların təcavüzkar dövlətin ərazisinə deportasiyası ilə bağlı cinayətlərlə əlaqədar yeni işlərin açılması üçün əsaslar var.

"Hadisəni törədənlərin məsuliyyətə cəlb edilməsi prosesinə başlanılıb. İşğaldan çıxarılan yerlərdə, Kiyev, Sumı, Çerniqov vilayətlərində biz artıq konkret cinayətkarları müəyyən etmişik. Ümumilikdə, Kiyev vilayətində - bu 15 nəfərdir, xüsusən də Buçada - 10. Onlar işgəncə, zorlama və talanlarla məşğuldurlar. Həmçinin Çernobıl AES-in ələ keçirilməsinə görə məsuliyyətə cəlb olunma prosesinə başlanılıb", - Venediktova bildirib.