Babasının 19-cu əsrdə axtardığı qatili 21-ci əsrdə tapdı

Böyük Britaniya Londonun ən bədnam manyakı Cek Ripperin kimliyini üzə çıxardığını iddia edir.

Publika.az xəbər verir ki, keçmiş britaniyalı polis könüllüsü Sarah Bax Horton 19-cu əsrdə qarınçu Cek kimi milləti dəhşətə gətirən qatili ifşa etməklə Britaniya tarixinin ən sarsıdıcı cinayətlərindən bəzilərinin arxasında duran adamın kimliyini üzə çıxardığını iddia edir.

Qeyd edilir ki, Hortonun babası da Ripperin təhqiqatında iştirak edib.

İstintaq Hortonu qətllərin baş verdiyi ərazidə yaşayan Hyam Hyamsın yanına aparıb. O, psixiatriya xəstəxanalarında və xaricdə epilepsiya və alkoqolizmdən əziyyət çəkib, qəza nəticəsində yaralandıqdan sonra vəziyyəti daha da pisləşib və ondan sonra işləyə bilməyib. O, arvadının onu aldatdığını güman edərək dəfələrlə ona hücum edib və sonda anasını, arvadını döydüyünə görə həbs edilib.

Hortona görə, polisin təsvir etdiyi adam xarici görünüşcə Hyamsın portretinə tamamilə uyğun gəlir.

O, belə qənaətə gəlib ki, Hyamsın alkoqolizm ilə daha da ağırlaşan fiziki və əqli tənəzzülü onu ağır cinayətlərə sövq edib.

Hyams 1889-cu ildən 1913-cü ildə ölümünə qədər Londonun şimalındakı Colney Hatch sığınacağında həbs həyatı yaşayıb.

Mehti Kamiloğlu