Cinayət dünyası

Oğlunun meyitini zibil qutusuna atdı: Polis 7 aydan sonra tapdı

4 Avqust 2023 13:56

Amerikanın Rok-Aylend bölgəsində 10 yaşlı uşaq anasının qarajındakı zibil qutusunda ölü tapılıb.

Publika.az xəbər verir ki, Sion Steyples adlı uşağın 7 ay əvvəl öldüyü məlum olub.

Rəsmi qurumların məlumatına görə, uşağın anası, 37 yaşlı Suşi Steyples ölümü gizlətmək, 13 yaşına çatmamış uşağın ölümü barədə məlumat verməməkdə ittiham olunur. "ABC 6 News" bildirib ki, bir qonşu polisin uşağı tapmaq üçün niyə bu qədər gecikdiyinin səbəbini soruşub.

"Mənim həyətimdə ölü yenot var idi və biz onu zibil qutusuna qoyduq. Mən zibil gününü gözləyənə qədər qoxuya dözə bilmədim. Ona görə də, necə ola bilər ki, küləyin də hərəkətləri ilə heç kim bu qoxunu hiss etməsin", - qonşu bildirib.

Məlumat barədə polisə xəbər verən qadın anonim qalmaq istəyib.