Cinayət dünyası

Məhkəmə Jirinovskinin qeyri-qanuni oğlu haqda qərar verdi

11 Avqust 2023 14:56

Məhkəmə Jirinovskinin qeyri-qanuni oğlunu onun varisi kimi tanımaqdan imtina edib.

Publika.az xəbər verir ki, Moskvanın Nikulinski Rayon Məhkəməsi Oleq Eydelşteyni Liberal Demokrat Partiyasının yaradıcısı, siyasətçi Vladimir Jirinovskinin oğlu kimi tanımayıb. Bu barədə “Moskva” xəbər agentliyi məhkəmənin mətbuat xidmətinə istinadən məlumat yayıb.

“Məhkəmə iddianı qəbul etməyib, çünki tərəflər arasında mübahisə ilə bağlı Kabardin-Balkar Respublikası Ali Məhkəməsinin qanuni qüvvəyə minmiş qərarı var”, - mənbə bildirib.

Məlum olub ki, Eydelşteyn 2022-ci ildə eyni tələblə - onun Jirinovskinin oğlu kimi rəsmən tanınması ilə bağlı Nalçik məhkəməsinə müraciət edib. Məhkəmə əvvəlcə onun iddiasını təmin etsə də, məsələdə maraqlı olan bir şəxsin müraciətilə Jirinovski ilə Eydelşteyn arasında münasibətlərin tanınması barədə qərar ləğv edilib.

Mehti Kamiloğlu