Kriminal

Deputat rüşvət alarkən yaxalandı

30 May 2024 16:35

Rusiyanın Novosibirsk şəhər Şurasının deputatı İqor Ukraintsev 3,5 milyon rubl (66 min 500 manat) məbləğində rüşvət almaqda şübhəli bilinir.

Publika.az xəbər verir ki, bu barədə "Lenta.ru"ya Novosibirsk prokurorluğunun mətbuat xidmətindən məlumat verilib.

Bildirilir ki, deputat rayon İstintaq Komitəsinə gətirilib. Onun barəsində rüşvət alma maddəsi ilə cinayət işi açılıb. Bu maddəyə əsasən, Ukraintsevi rüşvət məbləğinin yetmiş mislinə qədər cərimə ilə 15 ilədək həbs cəzası gözləyir.

İstintaqın məlumatına görə, 2022-ci ilin sentyabrından 2023-cü ilin yanvarına qədər olan müddətdə Ukraintsev tikinti təşkilatının rəhbərindən ümumi məbləği 3,5 milyon rubldan çox rüşvət alıb. Bu pula görə o, şəhər şurasının şəhərsalma sahəsində qərar qəbul etməsində himayədarlıq etməli, tikinti şirkətlərinin maraqlarını qorumalı idi.

Adəm