Dəb
Siz susun, qoy rənglər danışsın – FOTOLAR
İdeal qarderobun formalaşması üçün hansı rəngi bir-biri ilə uyğunlaşdırmağı bilmək lazımdır. Əks halda, başqaları sizə baxdıqca yol verdiyiniz səhvləri redaktə etmək istəyəcək.
Publika.az bu yazıda yenidən rənglərin harmoniyası mövzusuna toxunub.
Qırmızı
Əgər qırmızı rəngli paltar geyinmisinizsə, ətrafdakıların maksimum diqqətinə hazır olun. Bu rəng özünə əmin adamlar üçündür. Ciddi dəb xətasına yol verməmək üçün qırmızını elə qırmızı ilə birləşdirməyi təklif edirik. Obrazın başdan-ayağa qırmızı olması ölməz klassika sayılır. Diqqət mərkəzində olmaqdan qorxursunzusa, onda qırmızını sakit bej çalarları ilə birləşdirin.
Pastel tonları
Pastel çalarları sakit olduğu üçün onları bir-biri ilə istədiyiniz kimi cəsarətlə uzlaşdırın. Bahar və yaz aylarında onların dövrü başlayır. Dünya şöhrətli rəng təşkilatı “Pantone” zərif çəhrayı ilə soyuq mavini 2016-cı ilin əsas rəngləri olacağını proqnozlaşdırıb.
Bir sözlə, gələn bahar zərif və həssas olacaq!
Ağ
Ağ bütün digər rənglərlə yola gedir. Xüsusilə, göy, qırmızı, sarı və qara ilə gözəl görünür. Gündəlik obraz yaratmaq üçün ağla qəhvəyinin möhtəşəm ahənginə diqqət yetirin. Belə təmkinli rənglərin qovuşması işgüzar üslubda qüsursuz görünür.
Cins rəngləri
Cinsin müxtəlif rənglərlə vəhdəti uzun müddət qadağa altında idi. İndi isə cinsin müxtəlif çalarlarını istənilən rənglə görüşürdürmək qəbahət sayılmır. Odur ki, cinsi sevdiyiniz hər hansı rənglə birləşdirməkdən qəti qorxmayın.
Dəniz mövzusu
Dəniz mövzusunu dəbə ötən əsrin 30-ci illərində ilk dəfə Koko Şanel gətirib. O, donanma əsgərləri kimi geyinməyi çox sevirdi. Ağ-qara və ya tünd göylə ağ zolaq naxışı indiyədək dəbdədir. Dəniz mövzusuna 3 rəng çaları: göy, ağ, qara və qırmızı daxildir. Dizaynerlər incə obrazların yaradılması üçün əlavə olaraq qızıl aksessuarlardan istifadə etməyi məsləhət görür.
Xardal
Xardalla qəhvəyi, sarı, xaki, şokolad rəngləri ideal şəkildə uyğun gəlir. Klassik obrazın yaradılması üçün onu baza rəngləri - ağ və qara ilə birləşdirmək olar. Biz isə xardal və açıq çəhrayının vəhdətini tövsiyə edirik. Belə zərif obrazı hətta ofisə də geyinmək olar.
Şərab rəngi
Tünd qırmızıya bəzən şərab rəngi də deyilir. Şərab çaları digər rənglərlə çox asanlıqla uzlaşır. Lakin şərab çalarları ağ və bozun fonunda daha effektli görünür. Zoğalını həmçinin qəhvəyi, süd rəngləri ilə qarışdırmaq olar.
Çəhrayı
İncə və zərif qadın obrazı yaratmaq üçün çəhrayı rəng seçin. O, ağ, mavi, qəhvəyi və göylə mükəmməl uzlaşır. Ağla çəhrayının birləşməsi hər zaman bəyənilir. Hətta bu şəkildə işə və ya işgüzar görüşə də getmək olar. Tezliklə bahardır, deməli, çəhrayı palto almaq tam yerinə düşər.
Boz
Boz rəng cansıxıcı əhval demək deyil. O, ofis üslubu üçün ideal zəmin rolunu oynayır, lakin biz başdan-ayağa boz geyməyi məsləhət görmürük. Bozla yaşıl, çəhrayı və ya mavi yaxşı kombinasiyadır. Ümumiyyətlə, unutmayın ki, boz istənilən rənglə uzlaşır.
Göy
Göy ən aristokrat rəng palitrasıdır. O, fil dişi, ağ və qəhvəyi ilə yaxşı uzlaşır. Onu eləcə də, qəhvəyi, qırmızı və sarı ilə birləşdirmək olar. Göylə qəhvəyinin ahəngi də nəcib obraz yaradacaq!
Məşhur dəb bloqqeri Yelena Qalant bir-birinə uyğun rəngləri tapmaqda ustadır. Gəlin, onun məlahətli obrazlarını nəzərdən keçirək.
Aytən
-
Sosial15:10
Cavanşir Məmmədovun dəfn yeri açıqlandı
-
Hadisə14:20
Azərbaycanlı iş adamı öldürüldü
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO