Retro yenidən dəbdə: “Nənə” üslubu 2026-cı ilin favoritinə çevrilir - FOTOLAR

“Nənə” üslubunda, retro görünüşlü geyimlər 2026-cı ildə axşam modasının ən yeni trendlərindən birinə çevrilib.

Publika.az “Vogue” jurnalına istinadən xəbər verir ki, söhbət çiyinləri və qolları tam, ya da qismən örtən, qolluğu əvəz edən paltar-kepdən (baş geyimindən ibarət dəst) gedir.

1960-cı illərin dəbini xatırladan qara, midi uzunluqlu belə geyimlərlə artıq məşhurlar da ictimaiyyət qarşısına çıxırlar. Amerikalı aktrisa Keti Holms Nyu-York Moda Həftəsi çərçivəsində keçirilən “İnanılmaz qadınlar” adlı şam yeməyinə məhz bu üslublu geyimdə qatılıb.

Parıltıdan bezdilər, “nənə dəbi”nə keçdilər

Yeni trend dizaynerlərin payetli və həddindən artıq şəffaf axşam geyimlərindən uzaqlaşması fonunda meydana çıxıb. Moda brendləri daha konservativ retro siluetləri yenidən işləyərək ciddi, memarlıq üslublu kəsimə, dizdən aşağı uzunluğa və təmkinli rənglərə üstünlük verirlər.

Həm zövqlü, həm də rahat

Moda ekspertlərinin fikrincə, belə geyimlər açıq-saçıq axşam libaslarına daha zərif, praktik və rahat alternativ kimi populyarlaşır. Yəni bir vaxtlar nənələrin qarderobunda qalan “örtülü” geyimlər indi moda podiumlarından qırmızı xalıya qədər yol gedir.

Müəllif: Adəm