Digər

997 fərari təhlükə qarşısında: bütün SİRLƏR AÇILDI

28 Dekabr 2018 13:04

Hakerlər Cənubi Koreyaya qaçmış Şimali Koreyanın 997 vətəndaşı barədə şəxsi məlumatlara giriş əldə ediblər.

Publika.az xəbər verir ki, bu haqda birləşmə məsələləri üzrə Cənubi Koreya nazirliyinə istinadən “Renxap” agentliyi bildirib.

“Kyonsan-Pukto əyalətində “Xanavon” mərkəzində kompüterlərdən birinə müdaxilə imkanını nəzərə alaraq, dekabrın 19-da yerli hakimiyyət və mərkəzin nümayəndələri ilə araşdırma aparırdıq. Nəticədə, zərərverici proqram təminatıyla kompüterə müdaxiləni təsdiq etdik”, - nazirlikdən deyiblər.

Bildirilir ki, kompüterdə fərarilərlə bağlı məlumatlar var idi. Faylda Şimali Koreya vətəndaşlarının adları, doğumş tarixləri və yaşadığı ünvanlar barədə məlumatlar toplanmışdı.

Qeyd edilir ki, bu, Şimali Koreya fərariləri haqqında birinci belə böyük itkidir.