ABŞ-dan Rusiyaya Haftar təklifi

Rusiya Liviyaya muzdlu əsgər göndərməyə davam edir.

Publika.az “Anadolu” agentliyinə istinadən xəbər verir ki, Suriya-İsrail sərhədində yerləşən Küneytradan daha əvvəl razılaşma əldə olunan sabiq müxaliflərdən ibarət 300-400 nəfərlik döyüş heyəti 1000 dollar qarşılığında Liviyaya gedəcək.

Onlar qiyamçı general Xəlifə Haftarın cəbhəsində döyüşəcək. Razılaşmaya əsasən, döyüşçülər əvvəlcə Suriyada Rusiyaya aid bazalarda təlimlər keçəcək.

Digər tərəfdən, mərkəzi ABŞ-da yerləşən “Intercept” saytının xəbərinə görə, ölkənin “Blackwater” təhlükəsizlik şirkətinin qurucusu, ABŞ-ın Təhsil naziri Betsi Devosun qardaşı Erik Prins Rusiyanın “Vaqner” muzdlu döyüşçü qrupuna dəstək olmağı təklif edib. Lakin qrup Prinsin təklifini rədd edib.

Xəbərdə Rusiyanın Krımı ilhaqından sonra Ukraynanın şərqindəki fəaliyyətlərindən dolayı ABŞ Maliyyə Nazirliyinin sanksiya siyahısında yer alan “Vaqner” qrupu ilə əməkdaşlığa cəhd göstərən Prins haqqında qanuni tədbir görülə biləcəyi vurğulanıb.

Zümrüd