Milan iğtişaşlarında “Rusiya əli”? - Səfirlikdən kəskin reaksiya və ruslara XƏBƏRDARLIQ

Rusiyanın İtaliyadakı səfirliyi, Milanda təşkil olunan son etirazlarla bağlı məlumat yayıb.

Publika.az xəbər verir ki, səfirlik "Telegram" kanalında yerləşdirdiyi bəyanatda aksiyalarda "Rusiya izi"nin olması barədə mediada yayılan xəbərlərə də reaksiya verib. Diplomatik missiya belə bir fonda Rusiya vətəndaşlarına iğtişaşların baş verdiyi ərazilərdən uzaq durmağı və yerli hakimiyyət orqanlarının əmrlərinə əməl etməyi tövsiyə edib.

Səfirlik qeyd edib ki, "Moskvanın əli" artıq istənilən narahatedici sual üçün universal italyan cavabına çevrilib.

"Bunu rus hakerlərinin, agentlərinin və ya İtaliyaya səfər etməyə davam edən Rusiya pasportu olan hər hansı bir şəxsin üzərinə atmaqdan daha asan nə ola bilər? Əlbəttə ki, zorakılıq və qırğınlar üçün heç bir əsas yoxdur", - şərhdə deyilir.

Səfirlik həmçinin İtaliya hakimiyyət orqanlarının iğtişaşlara mümkün xarici müdaxilə ilə bağlı ziddiyyətli açıqlamalarını da qeyd edib. Diplomatlar Rusiya vətəndaşlarının etirazlarda iştirakının sübut olunmadığını vurğulayıblar.

Müəllif: Tural