Dünya
Ölümünü gözləyən qadınlar: Həbsxanadan ŞOK GÖRÜNTÜLƏR
İranın qadın həbsxanasında kimi edam sırasını gözləyir,
kimi körpəsini böyüdür, kimi də olduqca çətin şərtlər daxilində
həyatda qalmaq uğrunda mübarizə aparır. İranda 9 yaşından etibarən
qız uşaqları qanun qarşısında günahkar sayılaraq edamla
cəzalandırıla bilər.
Publika.az xəbər verir ki, fotoqraf Sadiq Suri İranın
qadın həbsxanalarının şəkillərini çəkib.
Fotolardan görünür ki, həbsxanalar insanın yaşaya bilməyəcəyi
qədər çirkli və baxımsızdır. Qadınlar uşaqlarını və özlərini
doyuzdurmaq üçün saatlarla yemək sırası gözləyir, bəzən günün
sonunda yeməklərini ala bilirlər.
Gənc məhkumların arasında birini öldürən, oğurluq edən, narkotikdən
istifadə etdiyi üçün tutulanlar da var. Onlardan biri də 17
yaşındakı Məhsadır. O, aşiq olduğu adamla evlənmək istəsə də, atası
bu evliliyə qarşı çıxıb. Bu səbəbdən atası ilə mübahisə edən gənc
qız mətbəx bıçağı ilə onu öldürüb. Məhsanın qardaşları məhkəmədən
gənc qızın edamla cəzalandırılmasını, ya da atalarının öldüyü
şəkildə öldürülməsini tələb ediblər.
14 yaşında evləndirilən və 2 uşağı olan Zəhra da məhkum
qadınlardandır. Zəhranın indi 17 yaşı var. Bir qadının cibindən
telefonunu oğurladığı üçün həbs olunub. Gənc qadın daha əvvəl 3
dəfə eyni ittihamla tutulub.
15 yaşındakı Şəqayeq isə Tehrandakı mağazalardan birindən silahlı
soyğun etməkdə ittiham edilərək həbs olunub. Ölüm hökmünə məhkum
edilən qız 1 ildir ölümünü gözləyir. Hökm isə qızın 18 yaşı tamam
olduqdan sonra icra ediləcək.
Ən dəhşətlisi isə odur ki, həbsxanada günahsız yatanlar da az deyil. Bu dəhşəti yaşayanlardan biri də 13 yaşındakı Xatirədir. Kütləvi təcavüzə məruz qalan qızcığaz polis tərəfindən yerdə şüursuz vəziyyətdə tapılıb. Kiçik qız, müalicə aldıqdan sonra Cinayətkar Usaqların Tərbiyə Mərkəzinə köçürülüb.
Qızların buradakı günləri səhərlər yalnız 1 saat həbsxananın
həyətində gəzintiyə çıxmaqla və yemək sırası gözləməklə keçir.
Hər gün qızların saxlandığı kameraya gələn din xadimi onlara düzgün
yaşamağın yollarını öyrədir. Sonra isə qızlar namaz qılır,
bağışlanmaları üçün Allaha dua edirlər.
Rübabə
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR