• USD 1,7000 0,00% EUR 1,9090 -0,31%
    • GBP 2,1180 -0,27% RUB 0,0241 +0,41%

ABŞ Moskvanın kabusunu göstərdi - VİDEO

  • Dünya
  • 29 Fevral 2016 18:10
  • 2 928 Baxış
ABŞ Moskvanın kabusunu göstərdi - VİDEO

ABŞ Hərbi Hava Qüvvələri LRS-B (Long Range Strike Bomber) layihəsi çərçivəsində hazırlanan B-21 strateji bombardmançısını nümayiş edib.

Publika.az xarici mediaya istinadən xəbər verir ki, B-21 B-2 Spirit və B-52 Stratofortress bombardmançıların təkmilləşdirilmiş variantı olacaq.

ABŞ Hərbi Hava Qüvvələri naziri Debora Li Ceymsin sözlərinə görə, B-21 B-2 Spirit bombardmançısının faktiki olaraq bütün üstünlüklərini saxlayır və B-2-nin çatışmazlıqlarını aradan qaldırır. ABŞ aviasiyası bu təyyarədən 80-100 ədəd almaq istəyir. Hər təyyarənin qiyməti isə 500 milyon dollar olacaq. Qeyd edək ki, B-21 dünyanın ən bahalı təyyarəsi B-2-dən iki dəfə ucuz başa gələcək.

Versiyaya görə, təyyarənin iki modeli olacaq: pilotlu və pilotsuz.

Güman edilir ki, strateji bombardmançılar yalnız ABŞ-da yerləşdiriləcək. Ehtiyac olduğu halda, onlar ABŞ-dan dünyanın istənilən nöqtəsinə uçaraq bombaları ata və ya raketləri buraxaraq bazaya geri qayıda biləcəklər. Məlumata görə, B-21-in hərbi və texniki imkanları bombardmançıya rəqibin hava hücumundan müdafiə sistemlərini məhv etməyə imkan verəcək.

Daha əvvəl Amerika hərbçiləri bildirirdilər ki, B-21 birinci uçuş nümunəsindən başlayaraq nüvə zərbələrinin vurulması üçün lazım olan sistemlər və proqram təminatını alacaq.

Bu təyyarə həm də “Moskvanın kabusu” adlanır.

Ömər Dağlı

Halal Nemət

Xəbər lenti

DAHA ÇOX XƏBƏR