“Bordo Bereli”lərin küçə döyüşü: şəhid və yaralılar var... - FOTOLAR (YENİLƏNİB)

Türkiyə ordusu “Fərat Qalxanı” hərəkatı çərçivəsində keçirilən Əl-Bab əməliyyatında növbəti itkisini verib.

Türkiyə Silahlı Qüvvələrindən verilən məlumata görə, son döyüşlərdə 1 əsgər şəhid olub, 4-ü yaralanıb.

***

Türkiyə ordusu Əl-Babın mərkəzinin 40 faizini İŞİD-dən təmizləyib.

Məlumata görə, Əl-Babın cənub-şərqindəki Zemzem məhəlləsində məscidi, idman mərkəzini, Baas partiyasının binasını, Hikmə xəstəxanasını, bazarı və depoları ələ keçirib.

Türkiyə ordusu ilə birgə hərəkət edən Azad Suriya Ordusu (ASO) isə Əl-Baba doğru irəliləyən Əsəd güclərinin qarşısını kəsib.

***

Türkiyənin “Bordo Bereli” xüsusi təyinatlı qüvvələri Əl-Bab küçələrinsə İŞİD-ə qarşı əməliyyatlarını davam etdirir.

Publika.az xəbər verir ki, İŞİD terror təşkilatı “Bordo Bereli”lərin qarşısını almaq üçün şəhərin küçələrinə qumla örtürlər.

Əməliyyatın yayılan fotolarda xüsusi təyinatlıların Əl-Babın içinə qədər irəlilədiyi aydın görünür.

Yaxın saatlarda Əl-Babın azad ediləcəyi gözlənilir.

Türkiyə prezidenti Rəcəb Tayyib Ərdoğan da bildirib ki, Əl-Babın alınması an məsələsidir.

“Əl-Bab artıq İŞİD-dən təmizlənir. Şəhərin azad edilməsi artıq an məsələdir”, - deyə o bildirib.

Məlumatlara görə, artıq türk tankları da Əl-Bab küçələrinə girib.

Asif