Dünya

10 ölkədən Azərbaycana Karl Marks mesajı

6 May 2018 18:20

Xarici ölkələrin kommunist partiyaları Karl Markısın anadan olmasının 200 illiyi münasibəti ilə Azərbaycan Kommunistlər Birliyinə təbrik mesajları göndərib.

Publika.az xəbər verir ki, bu barədə Azərbaycan Kommunistlər Birliyinin sədri Ədalət Abdinov özünün səhifəsində məlumat verib. Onun sözlərinə görə, 10-a yaxın xarici ölkənin kommunist təşkilatlarından təbrik açıqcaları göndərilib.

Kanada, Hindistan, İtaliya, Meksika, Venesuela, İsveçrə, Yunanıstan və Yuqaslaviyanın kommunist təşkilatları Azərbaycan Kommunistlər Birliyinin elektron poçtuna təbrik açıqcası göndərənlər sırasındadır.

Qeyd edək ki, Azərbaycan Kommunistlər Birliyi 2018-ci ili "Karl Marks ili" elan edib.

Onu da xatırladaq ki, Azərbaycanda isə bu il Xalq Cümhuriyyətinin yaranmasının 100 illiyi kimi qeyd olunur.

Səbinə