Dünya

Səudiyyə Ərəbistanından müsəlmanlara ŞAD XƏBƏR - Bu gündən...

4 Oktyabr 2020 10:56

Koronavirus tədbirləri çərçivəsində 6 ay dayandırılmış Ümrə ziyarətləri yenidən başlayıb.

Publika.az xəbər verir ki, bu barədə Məkkədəki Məscidül-Həram və Mədinədəki Məscid-i Nəbəvi İşləri Rəhbərliyinin Tvitter hesabında qeyd edilib.

Açıqlamada ziyarətçilərin Kəbəyə girişini göstərən fotoşəkillər də paylaşılıb.

Bundan əlavə, Səudiyyə Ərəbistanı sentyabrın 29-da COVID-19 səbəbiylə 6 aydır dayandırılan və bu gün yenidən başlayacaq olan Ümrə ziyarətləri üçün bəzi tədbirlərin görüləcəyini açıqlamışdı.

Tədbirlər çərçivəsində Kəbə və Hacaru'l Əsvad ətrafında qurulmuş barrikada orada qalmağa davam edəcək və ziyarətçilərin Kəbəyə, Həcəru'l Əsvədə və Məscidül-Harama yaxınlaşmasının və toxunmasının qarşısı alınacaq. Kəbə isə gündə 10 dəfə dezinfeksiya ediləcək.

Zəmzəm suyunun qapalı qutulara veriləcəyi və virusa yoluxma şübhəsi olanlar üçün isə karantin otaqlarının hazırlandığı bildirilib.

Akqabay