Dünya

İlk zərbə "Taliban"a dəydi: bir gündə 28 hərəkat üzvü öldü

27 Avqust 2021 08:48

Kabildə hava limanı yaxınlığında törədilən partlayışlar nəticəsində ölən 103 nəfərdən ən azı 28-i “Taliban” üzvü ölüb.

Publika.az xəbər verir ki, bu barədə “Reuters” agentliyi “Taliban” nümayəndəsinə istinadla xəbər yayıb.

Amerikalılardan daha çox insan itirdiklərini söyləyən “Taliban” sözçüsü, Əfqanıstandan xarici qoşunların çıxarılması müddətini uzatmaq üçün heç bir səbəb görmədiyi barədə fikirlərini də bölüşüb.

Qeyd edək ki, avqustun 26-da Kabil hava limanı yaxınlığında terrorçu-kamikadzelər tərəfindən iki terror aktı həyata keçirilib. Son məlumatlara görə, hücumda 13-ü Amerika əsgəri olmaqla 103 nəfər həyatını itirib.

Əfqanıstanda hakimiyyəti ələ alan “Taliban” hadisəni şiddətlə qınayıb və günahkarların məsuliyyətə cəlb olunacağına söz verib.