İsveç NATO-ya üzv olmaq üçün müraciət edəcək - TARİX AÇIQLANDI
Bizi izləyin
Aptekonline

Dünya

İsveç NATO-ya üzv olmaq üçün müraciət edəcək - TARİX AÇIQLANDI

İsveç hökuməti planlarını dəyişib və mayın 17-də Şimali Atlantika Alyansına üzvlük üçün rəsmi ərizə təqdim etmək niyyətindədir.

Publika.az xəbər verir ki, bu barədə İsveçin “Svenska Dagbladet” qəzeti öz mənbələrinə istinadla məlumat yayıb.

"Çərşənbə axşamı günü Brüsseldə İsveçin Şimali Atlantika Alyansına qoşulmaq üçün rəsmi müraciət məktubunun NATO-nun baş katibi Yens Stoltenberqə veriləcəyi planlaşdırılan bir proses başladılıb”, qəzet yazır.

Qeyd edilib ki, İsveçin NATO-ya üzv olmasının əleyhdarlarının da daxil olduğu hakim Sosial Demokrat Partiyası bu məsələ ilə bağlı daxili müzakirələri hələ başa çatdırmadığı üçün qərar ictimaiyyətə açıqlanmayacaq. Buna baxmayaraq, NATO üzvlüyünü tənqid edənlərin azlıqda qalması ilə əlaqədar rəsmilərin mayın 16-da axşam saatlarında təsdiqi elan etmələri gözlənilir.

Xatırladaq ki, mayın 15-də Finlandiya prezidenti və hökuməti ölkənin NATO-ya üzvlük üçün müraciət etmək niyyətində olduğunu rəsmən bəyan ediblər.

Oxumağa davam et
Reklam
Reklam

Gündəm

Aptekonline