Bağırsaqda TƏHLÜKƏLİ BAKTERİYA tapıldı: zehni korlayır və...

Louisville Universiteti və Texas Universitetindən olan bir qrup amerikalı tədqiqatçı bağırsaq bakteriyalarının Ruminococcaceae ailəsi tərəfindən istehsal olunan IAA metabolitinin sinir hüceyrələrinin ölümünə kömək etdiyini və bunun da idrak qabiliyyətinin azalmasına səbəb olduğunu müəyyən edib.

Publika.az xəbər verir ki, bu barədə məlumat "Cell Host & Microbe" jurnalında dərc olunub.

Metabolitin beyin funksiyasına təsirini öyrənmək üçün alimlər qoca siçanlar üzərində təcrübə aparıblar və müəyyən ediblər ki, yaş artdıqca orqanizmdə Ruminococcaceae bakteriyalarının və İAA metabolitinin sayı artır. Metabolit S100A8 geninin promotor bölgəsinə bağlanır, bu da gen ifadəsinə səbəb olur və sonra apoptotik cisimlərin əmələ gəlməsinə və sinir hüceyrələrinin ölümünə səbəb olur.

Tədqiqatçılar IAA-nı gənc sağlam siçanlara köçürüblər və bu, onlarda koqnitiv funksiyanın nəzərəçarpacaq dərəcədə azalmasına səbəb olub. Bundan sonra onlar qoca siçanların bağırsaqlarında metabolit istehsalını bloklayıb və idrak funksiyalarında yaxşılaşma aşkar ediblər.

Yaxın gələcəkdə alimlər insan bağırsağı mikrobiomunda İAA istehsalının idrak qabiliyyətinin azalmasına səbəb olub-olmadığını anlamaq üçün əlavə sınaqlar keçirməyi planlaşdırırlar və əgər belədirsə, metabolitin bloklanması yaşla birlikdə koqnitiv geriləmənin qarşısını ala bilərmi?