Bu ölkələrdən Ukrayna üçün kritik çağırış

Baltikyanı ölkələr, Skandinaviya ölkələri, Böyük Britaniya və İrlandiya parlamentlərinin Xarici Əlaqələr Komitələrinin rəhbərləri birgə bəyanat yayaraq, Ukrayna Silahlı Qüvvələrinə yardımı sürətləndirməyə çağırıblar.

Publika.az">Publika.az xəbər verir ki, bəyanatda parlamentarilər Ukrayna xalqı ilə həmrəy olduqlarını bildirib, azadlığı, ərazi bütövlüyünü və demokratik dövlət nizamını müdafiə edərkən həlak olanların xatirəsini ehtiramla yad ediblər.

Onlar beynəlxalq ictimaiyyəti ağır silahların və digər hərbi yardımların çatdırılmasını sürətləndirməklə yanaşı, Ukraynaya dəstəyi davam etdirməyə, Ukrayna və beş milyona yaxın ukraynalı qaçqını qəbul edən qonşu dövlətlərə maliyyə dəstəyini artırmağa çağırıblar.

Bəyanatda, həmçinin Rusiya silahlı qüvvələri tərəfindən beynəlxalq hüququn pozulması və hərbi cinayətlər və onların faydaları pislənir və günahkarların məsuliyyətə cəlb edilməsi tələb olunur.

“Bura Ukraynaya qarşı təcavüz cinayətlərinə görə cəzaların təyin edilməsi üçün xüsusi tribunalın yaradılması daxildir”, - xarici işlər komissiyalarının rəhbərləri qeyd ediblər.

Bundan əlavə, onlar Rusiyanın aclıqdan və qidadan öz təsirini artırmaq üçün vasitə kimi istifadə etməsini pisləyib və öz hökumətlərini Avropada hərbi və nüvə təhlükələrinə qarşı kollektiv müdafiə səviyyəsini artırmaq üçün tərəfdaşlarla işləməyə çağırıblar.