Araik ermənilərin pulunu “yeyir” - Xankəndidə narazılıq

Qarabağda separatçı-terrorçu rejimin maxinasiyalarla məşğul olduğuna dair yeni məlumatlar yayılıb.

Publika.az xəbər verir ki, separatçıların kukla “parlamentinin” qondarma “müxalifət deputatı” Metaxe Akopyan pulların separatçı rejimin “rəhbərliyi” və onların qohumlarının əhalinin pulunu mənimsədiyini deyir.

“Hər gün insanlar mənə şikayət edir. “İnvestisiya” və “kənd təsərrüfatına dəstək” fondları pulu onların (separatçıların “rəhbərliyi”) tərəfdarlarına, qohumlarına, tanışlarına verir. Bunlar qeyri-qanuni yollarla edilir. Ya çox aşağı faizlə verirlər, ya da sərəncamla. Onlara yaxın adamlar milyonlarla pul alır. Sənədlər saxta olur, yəni “biznes plan”, yaxud “ipoteka planı” adı ilə pulları mənimsəyirlər. Biz fonda müraciət edəndə bildirirlər ki, məlumatlar məxfidir, bunu açıqlaya bilmərik”, - separatçı deyir.

Onun sözlərinə görə, “rəhbərlik” bu pulların böyük hissəsini qohumları, tanışları, yaxud öz adamları üzərindən “yeyir”.

Qeyd edək ki, müharibədən sonra Qarabağda qalan separatçı-terrorçu rejimin qalıqları həm Ermənistan tərəfindən ayrılan pulları, həm də Rusiyanın verdiyi pulları “əhaliyə dəstək” adı ilə mənimsəyir.