Priqojin Kremllə arasını sazlayıb?

Yevgeni Priqojinin Rusiya Müdafiə Nazirliyinə tabe olan bölmələr üzərində səlahiyyətlərə malik olması onu deməyə əsas verir ki, “Vaqner”in yaradıcısı Kremldə müəyyən rəğbət qazana bilib.

Publika.az xəbər verir ki, bu barədə Müharibə Araşdırmaları İnstitutunun analitiklərinin hesabatında bildirilir.

İnstitutun ekspertləri deyirlər ki, Yevgeni Priqojin “dövlətlə əlaqəli Rusiyanın özəl hərbi birləşmələrinə etimadı sarsıtmaq üçün informasiya əməliyyatına başlayıb”.

Məlumatda deyilir ki, Priqojin “Potok” və “Aleksandr Nevski” bölmələrinin mövqelərinə baş çəkdiyini bildirib. Aprelin 24-də “Vaqner”in təsisçisi bu bölmələrin pis vəziyyətdə olmasını kəskin tənqid edib.

Priqojin sual edib ki, bu bölmələr “Vaqner”in cinahlarını bağlamalıdır və düzgün təchiz olunmasa, necə döyüşə bilər? Priqojin, həmçinin bu cür PMC-lərin çoxalmasına qarşı çıxıb ki, bu da yəqin ki, yeni strukturlara “Vaqner”in rəqibləri kimi baxdığını göstərir.

Müharibə Araşdırmaları İnstitutunun analitiklərinin fikrincə, Priqojinin bəyanatları onu göstərir ki, artıq “Vaqner”in Rusiya Müdafiə Nazirliyinə aid birliklər üzərində səlahiyyətləri var. Bu da onu deməyə əsas verir ki, Priqojin Kremldə müəyyən rəğbət qazanıb.

Aydan