Onlar üçün yeni qəsəbə salınır

Hindistan ilk iqlim koloniyasını quracaq.

Publika.az “RİA Novosti”yə istinadən xəbər verir ki, Hindistanın Odişa ştatının hökuməti iqlim dəyişikliyindən zərər çəkmiş insanların köçürülməsi üçün ölkədə ilk koloniya tikmək niyyətindədir. Sahil eroziyası və iqlim dəyişikliyi səbəbindən köçməyə məcbur olan Kendrapada rayonunun Satabhaya kəndinin sakinləri üçün hazırda belə bir qəsəbə salınır.

Bildirilib ki, Baqapatiya koloniyasının inkişafının birinci mərhələsi üçün 225 milyon rupi (2,7 milyon dollar) ayırılıb.

“Vəsait köçürülən sakinlər üçün evlərin tikintisi, içməli su və elektrik enerjisinin çəkilməsi, yollar və digər obyektlərin çəkilməsi üçün ayrılacaq. Satabhaya kəndlilərinə kənd təsərrüfatı torpaqlarının da verilməsi planlaşdırılır”, - hökumətin bəyanatında deyilir.

Həmçinin, baş nazir ərazidə yerləşən məşhur Pənçubaraxı məbədinin infrastrukturunun yaxşılaşdırılması və abadlaşdırılması və əsas turizm məkanına çevrilməsi ilə bağlı Turizm Departamentinə tapşırıqlar verib.

Mehti Kamiloğlu