Dünya

Qızı ilə birlikdə pəncərədən yıxılan müğənni öldü - MÜƏMMA

13 İyun 2023 22:48

Müğənni Yelizaveta Kuturova müəmmalı şəkildə ölüb. “Rosiçi” musiqi qrupunun keçmiş solisti beş yaşlı qızı ilə birlikdə 10-cu mərtəbədən yıxılaraq dünyasını dəyişib.

Publika.az xəbər verir ki, bu barədə "Capital C" yazır.

Bildirilir ki, faciə Saranskda baş verib. Əvvəlcə qız, sonra isə 34 yaşlı müğənni pəncərədən düşüb. Kuturova yerindəcə keçinib, uşaq isə sağ qalıb və hazırda reanimasiyadadır.

Maraqlıdır ki, müğənni hadisə baş verməmişdən əvvəl sosial şəbəkədəki hesabını silib. Hazırda hadisənin bədbəxt hadisə olub-olmaması araşdırılır.

Qeyd edək ki, Kuturova evli olub. Həyat yoldaşı isə faciə zamanı Moskvada olub. Onun yaxın rəfiqələri deyib ki, davranış və rəftarında da heç bir qəribəliklər sezilməyib. Müğənninin qayınatası isə gəlininin spirtli içkidən normadan çox qəbul etmədiyini, ailənin mehriban olduğunu, ümumiyyətlə, bu hadisəyə səbəb olacaq hər hansısa bir nüansın olmadığını deyib.

Aydan