Trampdan gözlənilməz etiraf

ABŞ Prezidenti Donald Tramp Fransanı sevdiyini bəyan edib.

Publika.az xəbər verir ki, o, bu barədə Fransanın LCI telekanalının jurnalisti ilə söhbəti zamanı bildirib.

Media nümayəndəsi Amerika liderinə İranla bağlı iclas keçirilən vaxt zəng edib. Ağ Ev rəhbəri zəngə cavab versə də, hazırda danışa bilməyəcəyini qeyd edib.

"Mən hazırda müşavirədəyəm, birbaşa İran məsələsi ilə məşğul oluram, ona görə də indi sizinlə danışa bilmərəm. Amma bizdə hər şey çox yaxşıdır və mən Fransanı sevirəm", — deyə Tramp bildirib.

Aprelin 2-də Tramp yenidən Fransa Prezidenti Emmanuel Makrona "sataşıb". Bu dəfə o, həmkarının həyat yoldaşı Bricitlə münasibətlərinə toxunub. Amerika lideri iddia edib ki, Fransa prezidenti "hələ də həyat yoldaşından aldığı çənə zərbəsindən sonra özünə gəlməyə çalışır".

Daha sonra Makron Trampın onun ailə həyatı barədə şərhlərini "münasib olmayan" adlandırıb. Fransa rəhbəri amerikalı həmkarının sözlərinin "nə nəzakətli, nə də layiqli" olduğunu vurğulayıb.

Hüseyn İbadlı