İŞİD terror qruplaşmasına qarşı İraqda aparılan son əməliyyatlardan biri uğurlu alınıb.
Publika.az-ın xarici mətbuata istinadən verdiyi məlumata görə, İraqın Ənbar Əməliyyat Gücünün komandiri Rəşid Felih qarşıdurmalarda İŞİD-in 115 üzvünün öldürüldüyünü açıqladı.
Məlumata görə, qarşıdurmalar İŞİD-in İraq ordusunun Ənbar vilayətindəki 3 qərargaha hücumundan sonra başlanıb. İraq ordusunun cavab hücumuna hava qüvvələri də dəstək verib. R.Felihin sözlərinə görə, öldürülən İŞİD silahlıları arasında kamikadzelər də olub. O, terror qruplaşmasına məxsus 6 hərbi texnikanın da məhv edildiyini qeyd etdi.
Kobanidə kürd qruplarla baş verən son döyüşlərdə isə İŞİD-in 25 üzvü öldürülüb.
Ömər Dağlı
