Seçkiyə 3 gün qalmış ara qarışdı: İmamoğlu-Kılıçdaroğlu "savaşı" yenidən alovlandı

Türkiyənin Cümhuriyyət Xalq Partiyasında (CHP) yenidən daxili qarşıdurmalar başlayıb. Keçmiş sədr Kamal Kılıçdaroğlunun tərəfdarları İstanbulun hər yerində pankartlar asaraq "Sizi kürəyinizdən bıçaqlayanlara səs yoxdur" mesajını veriblər.

Publika.az xəbər verir ki, İstanbul bələdiyyəsinin sədri Əkrəm İmamoğlunu dəstəkləyən siyasətçilər ilə Kılıçdaroğlunu dəstəkləyən partiya üzvləri arasında növbəti dəfə söz savaşı başlayıb.

Kadıköyün keçmiş bələdiyyə sədri Selami Öztürk sosial media hesabında Kılıçdaroğluna səslənib: “İncimiş olar bilərsən, amma İmamoğlunun seçilməsi üçün səy göstərməlisən”.

Öztürk “Kamal Kılıçdaroğlu Könüllüləri” adlı birləşmənin partiyaya vəhşicəsinə hücum etdiyini də bildirib.

Kadıköy Bələdiyyəsinin keçmiş məclis üzvü Hüseyn Sağ isə Öztürkə İmamoğlunu qınayaraq cavab verib:

"Cənab Kamal niyə belə bir şey etdi? Seçkidən bir gün sonra çox sevdiyiniz İmamoğlu açıq şəkildə əvvəlcədən hazırlanmış videoda nə dedi? Bu sədrlə seçkiyə getsək, uduzacağıq. Onun dəyişikliyi necə etdiyini hamı bilir”.

Roza Şəfiyeva