İran nüvə doktrinasını dəyişir: İcazə verildi

İran ölkənin mövcudluğuna təhlükə yaranarsa, nüvə doktrinasını dəyişə bilər, lakin dövlət nüvə silahı hazırlamır.

Publika.az xəbər verir ki, bu barədə İranın Ali Rəhbərinin müşaviri və ölkənin Beynəlxalq Əlaqələr üzrə Strateji Şurasının rəhbəri Kamal Xərrazi “Financial Times”a bildirib.

Xərrazi FT-yə Tehranın nüvə doktrinasında dəyişiklik edəcəyi iki şərti açıqlayıb: İran üçün ekzistensial təhlükə və ölkənin JCPOA-ya qoşulmasından sonra Qərb tərəfindən qaldırılan sanksiyaların tətbiqi.

O, həmçinin vurğulayıb ki, İran nüvə silahı yaratmağın tərəfdarı deyil.

“İndiyədək biz uranın 60%-dən çox zənginləşdirilməsi barədə qərar qəbul etməmişik, lakin biz müxtəlif qurğular və üsullardan istifadə edərək təcrübəmizi genişləndirməyə çalışırıq”, - deyə ölkənin ali rəhbərinin müşaviri bildirib.

Xatırladaq ki, 2015-ci ildə Tehran İranın nüvə proqramını məhdudlaşdırmaq üçün London, Moskva, Vaşinqton, Berlin və Paris Birgə Hərtərəfli Fəaliyyət Planı imzalayıb. Donald Tramp hakimiyyətə gələndə ABŞ sazişdən çıxıb. Buna cavab olaraq İran öz öhdəliklərini tədricən azaltmağa başlayıb.

Adəm Abbaslı