Ölkədə ilk "ağıllı yol" tikiləcək: Nələr olacaq?

ABŞ-ın Miçiqan ştatında “ağıllı yol”un tikintisi üzrə pilot layihəyə start verilib.

Publika.az xəbər verir ki, bu, güclü "Alphabet" tərəfindən dəstəklənən "Cavnue" şirkəti tərəfindən həyata keçirilir.

Layihə yolun 3000 metr hissəsinin tikintisini nəzərdə tutur ki, burada onun infrastrukturuna qoşulmuş avtomobillərin sürücüləri yoldakı vəziyyət barədə operativ məlumat alacaq və Nəqliyyat Nazirliyi yaranan problemlərə operativ reaksiya verə biləcək.

Magistral yolda 200 metr intervalla hesablama və sensor modulları olan dirəklər və lazımi rabitə avadanlıqları quraşdırılacaq. Bundan əlavə, yol süni intellektlə sonrakı emal üçün marşrutun hissələrinin fotoşəkillərini çəkəcək kameralarla təchiz ediləcək. Şəkillərə əsasən, neyron şəbəkə təhlükəli sürücülük şəraiti ilə bağlı xəbərdarlıqlar yaradacaq. "Cavnue" nümayəndələri iddia edirlər ki, lazımi avadanlıqları olan istənilən avtomobil yola qoşula biləcək.

Bildirilir ki, layihənin pilot hissəsi başa çatdıqdan sonra smart magistralın 40 kilometrə qədər uzadılması planlaşdırılır ki, bu yol Detroyt və Ann Arbor şəhərlərini birləşdirsin.

Qeyd edək ki, Britaniyada ilk “ağıllı yol”lar 10 il əvvəl yaranmağa başlasa da, bu, Birləşmiş Ştatlar üçün əsl yenilikdir.

Adəm