Bu türk dövlətində gizli şəhərlər aşkar edildi: görün nələr var imiş... - FOTO

Vaşinqton Universitetinin alimləri Özbəkistanın yüksək dağlarında İpək Yolunun tarixi üçün böyük əhəmiyyət kəsb edən iki qədim şəhər aşkar ediblər.

Publika.az xəbər verir ki, tədqiqatçılar bölgədə pilotsuz uçuş aparatı (PUA) əsaslı LiDAR skanları ilə Taşbulak və Tuğunbulak adlanan orta əsr şəhərlərinin ətraflı xəritələrini hazırlayıblar.

Maykl Fraçettinin rəhbərlik etdiyi qrup şəhərlərin meydanlarını, divarlarını, yollarını və yaşayış sahələrini araşdırıb. İki min metr hündürlükdə olan bu şəhərlər dağlarda inkişaf edən dövrün ticarət mərkəzlərindən biri kimi seçilir.

Tuğunbulakın 120 hektar ərazisi ilə dövrün ən böyük şəhərlərindən biri olduğu düşünülür. Fraçetti bildirib ki, bu mərkəzlər İpək Yolunda əsas qarşılıqlı əlaqə nöqtələri olub.

İlkin qazıntılar göstərir ki, Tuğunbulakda üç metr qalınlığında saxsı divarlarla əhatə olunmuş bina yerli dəmir ustalarının polad istehsal etdiyi zavod ola bilər.

Bu kəşf Orta Asiyanın İpək Yolu üzərindəki rolu haqqında mühüm məlumatlar verməklə yanaşı, gələcək tədqiqatlarda bölgənin tarixi ilə bağlı yeni kəşflərin edilə biləcəyini göstərir.

Roza