Pul

Seçkilərin nəticəsi dollara görün necə təsir etdi - Son rəqəmlər

6 Noyabr 2024 11:34

Donald Tramp ABŞ-ın yeni prezidentidir. Trampın qalib gəlməsi ilə dollar qlobal valyutalar qarşısında möhkəmlənir. Avro böyük dəyər itkisi ilə Türkiyədə 37,02-ə düşüb.

Publika.az xəbər verir ki, dolların digər valyutalar qarşısında gücünü ölçən DXY İndeksi bu gün 1,18% artımla ticarət edir.

Dollar Yaponiya yeninə qarşı 1,24 %, avro qarşısında isə 1,26 % dəyər qazanıb.

Tramp dövrü qlobal ticarət üçün risk hesab edildiyinə görə, qlobal fond bazarları açılış öncəsi ticarətdə böyük enişlər yaşayır. Tramp ABŞ-ı qorumaq üçün Avropa və dünyanın qalan hissəsi ilə ticarətə yeni tariflər tətbiq etməklə hədələyir.

Qlobal bazarların yeganə diqqət mərkəzi ABŞ seçkiləri və bundan sonra baş verəcək hadisələrdir. Sabah FED uçot dərəcəsini açıqlayacaq. Keçən həftə qarışıq məlumatlardan sonra FED-in sabah faiz dərəcələrini 0,25 faiz endirməsi gözlənilir.

Aysel Şahmar