Türkiyə ilə ABŞ arasında kritik Suriya müzakirəsi: Fidan Blinkenə xəbərdarlıq etdi
Bizi izləyin
Aptekonline

Dünya

Türkiyə ilə ABŞ arasında kritik Suriya müzakirəsi: Fidan Blinkenə xəbərdarlıq etdi

Türkiyənin xarici işlər naziri Hakan Fidan ilə amerikalı həmkarı Entoni Blinken arasında telefon danışığı baş tutub.

Publika.az xəbər verir ki, söhbət zamanı Suriyadakı son hadisələr müzakirə olunub.

Hakan Fidan ABŞ-a regionla bağlı tənqidi xəbərdarlıq edib. O, Suriyada əvvəlki səhvlərin təkrarlanmamasının vacibliyini vurğulayıb və bu məqamda rejimin realist davranması, müxalifətlə dialoq qurması və siyasi prosesə başlaması lazım olduğunu qeyd edib.

Bölgədəki bütün aktorların bu istiqamətdə konstruktiv rol oynaması lazım olduğunu vurğulayan Fidan, PKK və İŞİD kimi terror təşkilatlarının Suriyadakı xaotik mühitdən faydalanmasına imkan verilməməsi lazım olduğunu bildirib.

Nazir, həmçinin rejimin sahib olduğu kimyəvi silahların bölgədə riskə çevrilməməsi üçün lazımi tədbirlərin görülməsinin faydalı olacağını da qeyd edib.

Bölgəyə humanitar yardımların çatdırılmasının vacibliyini xatırladan Fidan, Türkiyənin bu mövzuda lazımi dəstəyi verdiyini söyləyib.

Roza

Oxumağa davam et
Reklam
Reklam

Gündəm

Aptekonline