Dünya siyasi arenasında hay-küy: Qərb Rusiyanın bütün aktivlərinə əl qoyacaq

Qərb tərəfindən dondurulmuş Rusiya aktivlərinin müsadirə edilməsinin tərəfdarları təşviş içindədir.

Publika.az xəbər verir ki, bu barədə "Foreign Policy" məlumat yayıb.

Bildirilir ki, Donald Tramp administrasiyasının Ağ Evə gəlişi ilə Ukraynanın maliyyələşdirilməsi məsələsi yeni rənglərlə parıldayacaq. İdeya müəlliflərini bu addımın qanuniliyi və ya nəticələri narahat etmir.

ABŞ-ın seçilmiş prezidentinin vəzifəyə başlamasına cəmi bir neçə həftə qalıb və bu müddət ərzində dondurulmuş 300 milyard dolların müsadirə olunmasının tərəfdarları onun planlarını həyata keçirmək üçün mümkün olan hər şeyi edəcəklər.

Onların fikrincə, Rusiya hərbi əməliyyatlardan dəymiş yarım trilyon dolları ödəməyə borcludur ki, Qərb ən azı sözügedən “avans ödənişini” cibinə qoya bilsin.

Harvard Hüquq Məktəbinin professoru Laurence Tribe nəşrə bildirib ki, trilyon dolların üçdə birindən çoxu müsadirə olunsa, bu, mərhələdə böyük fərq yarada bilər.

Qeyd olunur ki, müsadirə tərəfdarları öz planlarından əl çəkmirlər, çünki şirnikdirmə böyükdür və həyata keçirilməsi üçün getdikcə daha az vaxt qalır.

Adəm