İdman

Şumaxerlə bağlı şad xəbər: Daha yataq xəstəsi deyil

26 Yanvar 2026 15:12

Yeddiqat Formula 1 çempionu Mixael Şumaxerin səhhəti ilə bağlı yeni məlumatlar ortaya çıxıb.

Publika.az xəbər verir ki, xizək sürmə zamanı aldığı ciddi zədədən sonra əfsanəvi idmançı 12 ildən çoxdur ki, ictimaiyyətin diqqətindən kənarda qalıb. “Daily Mail”in verdiyi məlumata görə, Şumaxer artıq yataq xəstəsi deyil və tibb işçilərinin köməyi ilə evində əlil arabasında hərəkət edə bilir.

Onun 24 saat tibbi nəzarət altında olduğu və şəxsi evində yaşadığı bildirilir. Bununla belə, onun vəziyyəti ilə bağlı məlumatların ailəsinin qərarı ilə ciddi şəkildə məhdudlaşdırıldığı vurğulanır.

Qeyd olunur ki, Mayklı ziyarət edə bilən azsaylı insanlardan biri də “Ferrari”nin keçmiş rəhbəri Jan Todtdur. O, əvvəllər Mayklı mütəmadi olaraq ziyarət etdiyini və onunla birlikdə Formula 1 yarışlarını izlədiyini bildirmişdi.

Publika.az