Dünya

Amerikalılar axmaq yerinə qoyulub: Zaxarova ABŞ-dakı "transgender inamı"ndan danışdı

28 Dekabr 2024 12:21

Rusiya Xarici İşlər Nazirliyinin İnformasiya və Mətbuat Departamentinin direktoru Mariya Zaxarova ABŞ-da formalaşmış transseksualların varlığına inamdan danışıb.

Publika.az xəbər verir ki, o, bu barədə RT-yə müsahibəsində bildirib.

“Uzun illərdir ki, amerikalılar aldanıblar, bu qədər illərdir öz siyasətçiləri onları axmaq yerinə qoyub, üçüncü cinsin olmasından danışıblar, hətta bunu pasportlarına da yazıblar. Mən ABŞ vətəndaşlarını nəzərdə tuturam ki, onlar kişilər və qadınlardan əlavə, ikili olmayan insanlar, kvadroberlər və başqa hər şeyin olduğuna ürəkdən inanırlar", -deyə diplomat qeyd edib.

Zaxarovanın vurğuladığı kimi, bu, “tamamilə fərqli mentalitetdir, bu fərqli bir fəlsəfədir”.

"Bu, həm bütövlükdə dünyanın, həm də insanın özünün təhrif olunmuş, yanlış qavrayışıdır", - Zaxarova vurğulayıb.

Xatırladaq ki, ABŞ-ın yeni seçilmiş prezidenti Donald Tramp daha əvvəl deyib ki, 15 min transgender ölkənin silahlı qüvvələrindən qovulacaq.

Adəm Abbaslı