Dünya

Bu iki ölkənin vətəndaşları Suriyaya girə bilməyəcək - YENİ QƏRAR

17 Yanvar 2025 10:30

Əhməd əl-Şaranın rəhbərlik etdiyi Suriyanın yeni hökuməti İran və İsrail vətəndaşlarının paytaxt Dəməşqə gəlməsini qadağan edib.

Publika.az xəbər verir ki, yanvarın 23-ü cümə axşamı Suriyanın paytaxtı Dəməşqə ilk uçuşunu həyata keçirəcək Türk Hava Yolları (THY) rəsmi internet saytında sərnişinlər üçün xüsusi səyahət məlumatları dərc edib.

Buna uyğun olaraq, Suriyaya gedən sərnişinlər üçün ölkə səlahiyyətliləri tərəfindən bir sıra qərarlar qəbul edilib.

Qərara əsasən, İsrail və İran vətəndaşları istisna olmaqla, bütün ölkələrin vətəndaşları Suriyaya daxil ola biləcəklər. Livan vətəndaşları əgər anası və ya atası Suriya vətəndaşıdırsa və ya başqa ölkədə yaşamaq icazəsi və ya vizası varsa ölkəyə daxil ola biləcək.

Həmçinin media mənsublarına da xüsusi icazə veriləcək.

Roza