Yeni sərhəd qapıları iki lideri bir araya gətirdi: Nikosiyada mühüm görüş
Bizi izləyin
Aptekonline

Dünya

Yeni sərhəd qapıları iki lideri bir araya gətirdi: Nikosiyada mühüm görüş

Şimali Kipr Türk Cümhuriyyətinin prezidenti Ersin Tatar və Kipr lideri Nikos Hristodulidis görüşərək tərəflər arasında yeni sərhəd qapılarının açılması məsələsini müzakirə ediblər.

Publika.az xəbər verir ki, görüş paytaxt Nikosiyada BMT-nin nəzarətində olan bufer zonada təşkilatın nümayəndəsi Kolin Stüartın ev sahibliyi ilə baş tutub. Görüşdən sonra BMT-nin dərc etdiyi birgə bəyanatda tərəflərin gələn həftə yenidən görüşəcəkləri bildirilib.

Tatar görüşdən sonra verdiyi açıqlamada Nikos Hristodulidisin üç tərəfdən yunan torpaqları ilə əhatə olunmuş dəniz kənarında yerləşən Erenköydən tranzit hüququ istədiyini, hərbi bölgə olduğu üçün bunu qəbul etməyin mümkün olmadığını bildirib. Kipr lideri görüşlə bağlı heç bir açıqlama verməyib.

Qeyd edək ki, bu gün Şimali Kipr ilə Yunanıstan rəhbərliyi arasında 3-ü paytaxt Lefkoşada olmaqla 9 sərhəd qapısı var.

Aysel Şahmar

Oxumağa davam et
Reklam
Reklam

Gündəm

Aptekonline