Dünya

Buş və Obama məhkəmə qarşısında ifadə verə bilər

24 May 2012 17:50

ABŞ-da törədilən 11 sentyabr hadisələri ilə bağlı Quantanamo hərbi dəniz bazasında saxlanılan məhkumların vəkilləri keçmiş prezident Corc Buş və indiki prezident Barak Obamanın məhkəmə qarşısında ifadə vermələrini tələb ediblər.

Publika.Az-ın məlumatına görə, terror aksiyasının planlaşdırılmasında və həyata keçirilməsində ittiham olunan 5 məhbusun vəkilləri bildiriblər ki, Buş, Obama və digər rəsmilərin verdikləri açıqlamalar hakimlərin çıxaracaqları qərarlara təsir edə biləcəyi üçün ittihamlar ləğv olunmalıdır.

Müvəkkillərinin davamlı olaraq terrorçu adlandırılmasının hüquqa zidd olduğunu deyən vəkillər bu şərtlər altında ədalətli hökmün çıxarılacağına inanmadıqlarını deyiblər.

Vəkillərin məhkəmə qarşısında ifadə vermək üçün məhkəməyə gətirilməsi vacib olanlar arasında vitse-prezident Co Bayden, ədliyyə naziri Erik Holder və senator Lindsi Qrehem də var.

Anar Əhmədov

Publika.Az